SHOWBIZ NEWS NOW NA! Ni Boy Abunda (Pilipino Star Ngayon) Updated March 21, 2012 12:00
Matagal-tagal na rin mula noong nagkasama sa pelikula sina Sarah Geronimo at Judy Ann Santos pero hanggang ngayon ay magkaibigan pa rin daw ang dalawa. Maituturing daw ni Judy Ann na isa si Sarah sa mga pinakamalalapit niyang kaibigan sa industriya. “Matagal na kaming hindi nagkikita, palagi na lang text-an. Hindi na nga rin masyado ’yung texting kasi sobrang busy na rin siya ngayon. Last time ko siyang nakita, ganun na katagal kasi hindi ko na maalala. Noong nag-guest pa ata ako sa ASAP. Pero dumadalaw naman sa akin ‘yan sa bahay kung minsan kapag may time siya, nagku-kuwentuhan kami. Ngayon nga siguro dahil sobrang busy, hindi na siya makadalaw. Nami-miss ko siya bilang siya as a whole. Lahat sa kanya nami-miss ko,” nakangiting kuwento ni Judy Ann.
Samantala, alam din daw ng aktres ang pinagdaanan ni Sarah noong isang taon kaugnay sa buhay pag-ibig ng singer. Hinangaan daw ni Juday ang pagiging matatag ni Sarah sa lahat ng mga nangyari sa kanya. “Feeling ko kumukuha siya ng strength sa talent niya. Ito talaga ‘yun eh, ito ‘yung gusto niya. She wants to sing, she wants to act, and dito ko nakikita na she’s her own person kapag nakaharap siya sa camera. Walang nagdi-direct sa kanya kung anong gagawin niya, walang nagmamando kung anong diskarte kung kelan siya ngingiti, kung kelan siya tatawa, iiyak, lahat ‘yun kanya lang, at lahat ‘yun kaya niya. Hindi lang niya siguro napapansin na kaya niya eh, mahusay siya,” paglalarawan pa ni Juday kay Sarah.
source here
No comments:
Post a Comment