Manila, Philippines – ANG kaseksihan ang unang pinuna ng press kay Judy Ann Santos nang dumating ito sa presscon niya bilang first celebrity mom endorser ng Eden Cheese kasama ang anak na si Yohan. Inalam namin ang kanyang vital statistics, pero hindi niya alam.
“Hindi ko talaga alam, di ako nagmi-measure ng alindog ng katawan. Si Paul Cabral lang ang nakakaalam ng exact measurement ko,” sagot ni Judy Ann.
Ang ganda-ganda naman talaga ni Judy Ann sa blue Herve Leger dress at ibinagay niya yata sa kulay ng damit sa publicity photo ng Eden Cheese. Nagpasalamat ito sa maker ng Eden Cheese sa pagkuha sa kanila ni Yohan bilang mother-daughter endorsers.
Samantala, hiningi namin ang reaction ni Judy Ann sa tweet ni Sharon Cuneta na “JUDAI MY SISTER I THINK YOU ARE RIGHT TO NOT JOIN TWITTER” dahil sa naranasang cyber bullying nito sa Twitter.
Sabi ni Judy Ann: “Napagkuwentuhan namin ang tungkol d’yan at nabanggit ko sa kanya ang opinion kong ayokong mag-Twitter dahil magulo. Ang daming issue sa mga artista ang lumalabas dahil sa Twitter. May kani-kanyang opinion at hindi nasasala. Nangyari na nga kay ate at nalulungkot ako dahil ang daming umaaway sa kanya at nahusgahan agad siya at kung anu-ano ang sinasabi sa kanya at kay KC (Concepcion).”
“Nabasa ko ang mga tweet sa kanya, anak niya ‘yun at kahit naman ako magagalit at hahanapin ko ang naninira sa anak ko. Nine months mong dinala ang anak mo, tapos sisiraan lang ng ‘di naman kayo kilala. Naiintindihan ko si ate at walang sinumang tao ang may karapatang humusga sa pagde-defend niya sa kanyang anak. Hindi nila alam ang saloobin niya, nanay ‘yun at nasasaktan sa mga paninira sa kanyang anak.”
Ganu’n din ang reaction ni Judy Ann sa naging kaso ni Regine Velasquez-Alcasid na ipinagtanggol ang anak na si Baby Nate sa mga basher.
“Kung mangyari ‘yun kay Lucho, hahanapin ko siya. Okey lang ako ang kinanti dahil sanay na ako, pero ‘pag anak mo na kahit naman sinong santa, lalabas ang sungay.”
Natatawang binanggit ni Judy Ann na tiyak siyang paglabas ng interview sa kanya tungkol sa Twitter issue, mamasamain siya.
“Sana isipin lang nila na hindi mga robot ang mga artista at nasasaktan din kami at walang may karapatang pagsalitaan kami ng masasama,” dagdag na pahayag ni Judy Ann.
Samantala, third wedding anniversary nina Judy Ann at Ryan Agoncillo sa April 28, pero wala pa silang plano kung paano isi-celebrate ang special occasion sa buhay nila. Last year, nag-ihaw-ihaw lang sila kasama ang mga kaibigan at pamilya at one week lang silang naghanda.
“Mahilig kami sa last minute preparation at napapansin namin, habang patagal nang patagal, wala ka nang maisip kung paano magsi-celebrate,” pagtatapos ni Judy Ann.
No comments:
Post a Comment