SAM, SA DOS MUNA HABANG WALA PANG HOLLYWOOD PROJECT

http://hatawtabloid.com/index.php?option=com_content&view=article&id=43150:-sam-sa-dos-muna-habang-wala-pang-hollywood-project&catid=40:shobiz&Itemid=70

PIHADONG magiging masaya na naman ang fans ni Judy Ann Santos dahil magbabalik na siya sa primetime ng ABS-CBN para sa teleseryeng Against All Ods na makakasama niya sa nasabing proyekto sina Sam Milby, KC Concepcion, John Estrada, Mylene Dizon, Jessy Mendiola, Joseph Marco, Bryan Termulo, Susan Africa, Mr. Tirso Cruz III, at Ms. Coney Reyes.

Ito rin ang magsisilbing comeback soap ni Sam pagkatapos niyang sumabak sa iba’t ibang auditions sa Hollywood. Kaya naman habang naghighintay ng proyekto sa Amerika si Sam ay gagawin muna niya ang Against All Ods.

Ito ang kauna-unahang pagkakataong magkakasama sa isang soap sina Sam at Juday kaya naman bagong putahe itong ihahatid ng ABS CBN sa kanilang masugid na tagasubaybay. Excited na nga sina Juday at Sam na magkasama sa nasabing proyekto na malapit ng gumiling ang camera ngayong buwan.