Sarah, suportado ng Juday fans sa ‘Idol’

Paggiling-giling ni Coco sa ‘Idol’, inaabangan!
Sarah, suportado ng Juday fans sa ‘Idol’

Ni ALFIE LORENZO

SA Lunes pa magsisimula ang bagong “Idol” na papalit sa nagwakas na “Agua Bendita” kagabi, eh nga*rag na ang magka-team-up na Deo Endrinal at Biboy Arboleda.


Akalain mong pati mga text ko eh dinedema nila dahil fidgety nga sila sa pagsisimula ng Sarah Geronimo, Sam Milby and Coco Martin ala-High School and Glee Musical!


Hindi kaya nerbyos lang si Biboy para sa alaga niyang si Coco na first time kakanta on TV?


But in fairness naman ay sinasagot ni Biboy ang calls ko kahit na he’s currently nursing a broken heart huh!

Wala naman sigurong dapat ikakaba ang magkumareng maglola dahil any Sarah Geronimo project naman ay always in good times. Sarah is fresh from her blockbuster hit with Juday na “Hating Kapatid”.


And for that, tangay na rin pati mga fans ni Juday who liked Sarah for being friendly to their idol during the filming of their movie. Tulad ni Sharon Cuneta, kapatid na rin ang turing ni Juday ngayon kay Sarah.


Kaya asahang toprater ang “Idol” if only for Sarah and my favo rite Coco Martin, next to JC de Vera, huh!


Ang aabangan ko diyan ay hindi ang pagkanta ni Coco Martin kundi ang pagsayaw niya! Tiyak na sexy rin ang movements niya kahit na hindi niya igalaw ang mga paa niya at gumigiling-giling lang siya, solve na ako! Ha! Ha! Ha! Ha!


Kaya abangan ‘yan sa Lunes ha, kahit na ‘di ako inimbita nu’ng preskon nila dahil knows nilang di ko kailangan ang ibibigay nila!