Piolo Pascual, Judy Ann Santos may bagong proyekto?

http://tsismoso.com/piolo-pascual-judy-ann-santos-project/

Sa pagkikita nina Piolo Pascual at Judy Ann Santos sa naganap na trade launch ng ABS-CBN shows ay maraming umasa na gagawang muli ng proyekto ang dating magkatambal. Masaya namang nag-usap si Piolo at Juday kahit pa maraming kamera ang nakapalibot sa kanilang dalawa. Matatandaang nagkaroon ng pagsubok ang tambalan noon nina Piolo Pascual at ng Teleserye Queen kung saan umabot pa umano sa hindi pagpapansinan ng dalawa. Ang pagkakasundo umano ng binata at ni Judy Ann Santos ay magandang senyales na maaaring magkaroon muli ng pagkakataon ang kanilang tambalan. Sa isang interview kay Piolo ay nabanggit nito na matagal na umano silang nag-uusap ng aktres at nangayayri lamang ito kapag walang kamera.

Marami sa mga tagahanga ng kanilang tambalan ay umaasa na mapapanood muli sila na magkasama sa telebisyon.. Paglilinaw ni Piolo Pascual, hindi naman daw talaga sila nag-away ng aktres katulad ng mga lumalabas sa mga pahayagan. Matagal na rin daw niyang naayos kung ano man ang mayroong isyu kay Judy Ann Santos at sa asawa nitong si Ryan Agoncillo. Iginiit ng aktor na wala naman daw tampuhan o away ang naganap sa pagitan nila ni Juday bilang magkatambal. Naghihintay lang din daw si Piolo Pascual sa kung ano mang plano ang pwedeng ibigay sa kanila ng dating leading lady.

Kumportable umano ang aktor sa pakikipagtrabaho kay Judy Ann kung kaya ipinagdadasal niya rin na magkasama silang muli. Aminado naman si Piolo na malaki talaga ang naitulong ng aktres sa kaniyang career simula nang una silang magkapareha sa telebisyon hanggang magkaroon sila ng pelikula. Kung tatanungin naman daw si Piolo Pascual kung sino ang gusto niyang makasama sa isang pelikula o teleserye ay walang duda na si Judy Ann Santos ito. Ang huling pelikula na ginawa ng dalawa ay ang Give Up On Us noong 2006.