http://www.balita.net.ph/2012/10/master-chef-ni-judy-ann-santos-sa-nobyembre-12-na/#.UIAi7m_A-RM
Ni Reggee Bonoan
PANSAMANTALANG natigil ang taping ng Against All Odds nina Judy Ann Santos at Sam Milby dahil inuuna muna ng aktres ang taping ng Master Chef Pinoy Edition na eere na sa Nobyembre 12, Lunes.
Mapapanood na ang Master Chef Pinoy Edition ni Juday sa morning timeslot bago raw mag-Be Careful With My Heart para tapatan ang cooking show din ng ibang TV network.Kuwento sa amin ni Direk Malu Sevilla nang makatsikahan namin sa Grams Diner kasama sina Manay Ethel Ramos, Isah Red at Leo Bukas noong Biyernes ay nahinto nga ang tapings nila sa Against All Odds.
“Juday kasi has to tape Master Chef, may airing schedule na po sila, while Against All Odds, wala pa, so unahin muna niya ang Master Chef,” kuwento ng direktor ng serye.
Pabor din kay Sam ang pansamantalang pagtigil ng taping nila ni Juday dahil magiging busy rin siya sa ibang show at kasalukuyang nasa New York City para sa isang commitment. Natapos na ring i-shoot ng aktor ang indie movie na next year ipalalabas.
Samantala, bagamat nagbatian sina Juday at Piolo Pascual sa nakaraang trade launch sa NBC Tent last week ay marami ang hindi pabor na muli silang magsama sa project dahil tiyak na kaliwa’t kanan na naman ang isyung masusulat.
Bukod dito, mas tahimik ang buhay ng aktres ngayon bagay na gusto rin naman niya at may projects naman siya kaya ano pa nga ba ang dahilan para magsama sila ni Piolo?
No comments:
Post a Comment