Juday, ‘di pinupuwersa ni Ryan na magpaseksi!

Mula sa 12 pounds ay umaabot na raw sa 15 pounds ang nababawas sa timbang ni Judy Ann Santos. Sabi nga ni Juday, dinadaan niya sa tamang diet ang pagpapayat, at hindi niya binibigla ang sarili niya. Ayaw raw niyang isabak ang katawan niya sa gym dahil baka mas mahirapan siya. Piling-pili nga ang diet niya. Pork lang daw ang hindi niya kinakain. “Binabase ko kasi sa blood type ko ang diet ko. ‘Yun ang sabi ng doctor ko. It’s very effective kasi compatible ang diet mo sa katawan mo kaya mabilis ang effect,” sey ni Juday. Kitang-kita nga sa bagong katawan ni Juday na malaki na ang pinayat niya kumpara sa huling pagharap niya sa press na nasa katawan pa niya ang nakuha niyang baby weight. “Paunti-unti. Ayokong biglain kasi baka hindi healthy tingnan. Hindi naman ako nagmamadaling magpapapayat, eh. It’s better na I take it slow para sure. “Hindi rin naman ako minamadali ng mister ko. Sabi nga ni Ryan (Agoncillo) na I should take my time. Ayaw rin niyang ma-stress ako sa pagpapapayat. Kasi nga hands-on ako sa mga bata. Gusto niya na habang nagpapapayat ako, happy ako at parang wala lang, walang stress,” ngiti pa ni Juday