http://www.philstar.com/pang-movies/2013/09/13/1204551/juday-kabado-sa-bagong-show
As we all know, na-delay ang pagre-renew ni Juday dahil after her teleserye Huwag Ka Lang Mawawala ay nagpaalam ang aktres na gusto munang mag-isip-isip for a while lalo pa nga’t may option din naman siyang lumipat ng ibang network although nagpahaging na siya noon pa na malaki ang posibilidad na talagang magre-renew siya.
Timing pa na nagkasakit ang mister niyang si Ryan Agoncillo na lalong naka-delay sa contract-signing event.
A few days ago lang gumaling si Ryan kaya naman heto na nga at natuloy na rin ang pirmahan ni Juday.
New look pa ang aktres nang sumipot na ipinakita sa TV Patrol at mas lalo yata siyang bumata.
Sa bagong kontrata ni Juday, first project niya ang Bet on Your Baby na isang game show na ang contestants ay mga toddler at parents ng mga ito.
Ayon ka Juday, excited na kinakabahan siya sa bagong show.
“Nung nakita ko ’yung peg ng show, na-happy ako kasi ako mismo, nung pinapanood ko siya, na-tense ako kung makukuha ba ni bagets ’yung bet ng mommy niya. Nakaa-ano siya, ’yung nakakatanggal ng problema,” pahayag ni Juday sa panayam ng ABS-CBN.
When asked kung bet na ba nila ni Ryan na magka-baby ulit, aniya ay napag-uusapan nga nila kung ano kaya ang magiging hitsura ng pangatlo nilang anak kung sakali.
But kung sakali naman na talagang magbubuntis siya ulit, aniya ay malalaman din naman natin ’yun at hindi naman maitatago.
No comments:
Post a Comment