Tulad ng kanilang pangako, ipinakita na nina Judy Ann Santos at Ryan Agoncillo ang larawan ng kanilang anak na si Juan Luis o “Lucho", matapos itong mabinyagan noong Linggo.
Sa Chika Minute ng GMA news 24 Oras nitong Martes, sinabi ng anchor na si Pia Guanio na mismong ang manager ni Ryan na si Noel Ferrer ang nagpadala ng larawan sa GMA News ni Lucho na one month old na.
Ayon kay Noel, nagpapasalamat daw ang mag-asawa na mga gumalang sa kanilang request na hintayin na munang mabinyagan si Lucho bago maipalabas ang kanyang litrato.
For the latest Philippine news stories and videos, visit GMANews.TV
Nauna nang sinabi ni Ryan na batay na rin sa kagustuhan ni Juday ay ipakikita lang nila ang anak sa publiko kapag nabinyagan na ito.
Sa ulat ng Philippine Entertainment Portal o PEP nitong Martes, sinabing ginanap ang binyagan Sacred Heart Parish sa Hillsborough, Alabang na pinangunahan ni Fr. Tito Caluag.
Pagkatapos ng bigyan, ginawa naman ang reception sa isang restaurant sa Global City o Fort Bonifacio sa Taguig. - FRJimenez, GMANews.TV
No comments:
Post a Comment