Eight months na ang ipinagbubuntis ni Judy Ann Santos

TRUE : Eight months na ang ipinagbubuntis ni Judy Ann Santos at sabi ng OB Gyne niya, ang expected due niya ay Oct. 19. “Pero baka mas early pa raw o late. Pero sana huwag naman masyadong late kasi medyo mabigat-bigat na rin,” ang balita sa amin ni Judy Ann sa pictorial nito para sa Flawlesskahapon.     

Nasa bahay na lang madalas si Juday at pagluluto ang pinagkakaabalahan niya. Araw-araw ay pinaghahanda niya ng baon si Ryan Agoncillo at ang anak nilang si Yohan.

Doon niya na-enjoy ang pagiging plain housewife dahil lahat ng trabaho at galaw sa bahay ay namu-monitor na niya. Kaya pagkatapos niyang manganak ay gusto niyang manatili muna sa bahay para personal din nitong maalagaan ang kanilang baby na si Butchuchoy. Sa early months nito ay siya mismo ang mag-aalaga sa kanilang anak at hindi muna siya kukuha ng yaya.