http://www.philstar.com/psn-showbiz/2013/08/16/1095701/tao-lang-ako-nasasaktan-rin-ako-judy-ann-magpapahinga-muna-gusto
“Ang pag-renew ng kontrata, ‘di ko muna masasagot. Magpapahinga muna ako. Kelangan ko lang mag-isip ng klaro. Tao lang ako, nasasaktan rin ako. Kaya kailangan ko rin magpahinga,” sagot ni Judy Ann Santos sa ‘di matapus-tapos na isyu kung aalis na ba siya sa ABS-CBN o lilipat either GMA 7 or TV5 nang magkaroon ng finale presscon kahapon ang Huwag Ka Lang Mawawala na magtatapos na next week.
Inamin din niya sa nasabing presscon siya ang nag-request na tapusin ang HKLM. “It was my decision to end it. Kung ano man yung sitwasyon ngayon, it’s settled already.
“Gusto kong mag-end ang teleserye nang taas-noo,” bilang pagkaklaro sa sinasabing kaya tatapusin ito ay para maeere na ang Got To Believe na pinagbibidahan ni Daniel Padilla and Kathryn Bernardo.
“I must say that doing HKLM was a roller coaster ride na talaga worth fighting for. Very thankful po talaga kami sa suporta ng tao.
“Sa lahat ng nangyari sa karera ko, itong HKLM lang ang masarap na mahirap tapusin kasi masyadong masaya ‘yung set.
“Yung praises ng tao ang pinakamasarap na sadness. Ibig sabihin we did a great job. We delivered more than accepted,” sabi niya na may kasamang lungkot.
“Sana po hanggang sa dulo ng serye, suportahan n’yo po kami,” apela ng aktres.
Masaya rin ang actress na nagsilbing inspirasyon ang kanilang serye para sa mga kababaihang pisikal at emosyonal na naaabuso at naaapi.
“Masaya ako na sa pamamagitan ng aming show ay nagawa kong makatulong sa ibang tao, lalo na sa mga babaeng inaakalang wala silang magagawa laban sa mga mapang-abuso nilang karelasyon,” ani Judy Ann.
“Nagsilbing eye-opener sa sambayanan ang Huwag Ka Lang Mawawala tungkol sa mga tunay na isyu hinaharap ng mga inaabusong kababaihan.”
Ibinahagi rin ni Judy Ann na ipinagmamalaki niya na ang kanilang teleserye, kung saan tampok din sina KC Concepcion at Sam Milby, ay magtatapos na napanatili ang mabilis na takbo ng kuwento nito at mataas na national TV ratings.
“Laking pasalamat ko talaga sa lahat ng mga manonood namin, dito sa Pilipinas at sa ibang bansa, na walang palyang sinundan ang laban ni Anessa (Judy Ann) mula sa simula. Dahil sa inyo, mas naging memorable ang aking teleserye comeback,” aniya.
Nag-dialogue din siya na mas mabuting wala na ‘yung tag na reyna para walang expectations.
At kahit hindi pa pipirma uli ng kontrata si Judy Ann sa ABS-CBN sigurado na naman na siya ang magho-host ng upcoming kiddie game show ng network na Bet On Your Baby.
No comments:
Post a Comment