Judy Ann is up for grabs

http://www.journal.com.ph/index.php/entertainment/showbiz-news/55734-judy-ann-is-up-for-grabs


HINDI na mai-extend ang Huwag Ka Lang Mawawala teleserye ni Judy Ann Santos na hiling ng Queen of Pinoy Teleserye ng showbiz.

After all, umani na rin naman ito ng papuri at wala na ring dapat pang patunayan si Juday bilang reyna.

Siyempre, tuwang-tuwa ang fans nina Daniel Padilla at Kathryn Bernardo dahil masasalang na ang na-delay nilang Got to Believe.

For sure, at the back of Juday’s mind, gusto rin niyang pagbigyan ang mga kabataang artista.

Eh, hindi naman puwedeng late ang telecast ng GTB. So, ito ang isusunod marahil sa Juan de la Cruz ni Coco Martin.

Tutal, malakas sa TV ang aktor, kaya dapat lang nilang samantalahin ang kasikatan niyang ito, huh!

Alam naman natin kung ano ang kapalaran ng movies na nagawa ni Coco.

Anyway, sa sinulat ng manager ni Juday na si Tito Alfie Lorenzo, may meeting daw sila ni Judy Ann kasama ang TV5 boss na si Manny Pangilinan.

Eh, may narinig din kaming makikipag-meeting din daw ang GMA bosses sa dalawa, huh!

Puwes, unahan ang GMA at TV5 kay Juday na, ayon kay Tito Alfie, ay last July pa nag-expire ang kontrata sa ABS-CBN.