Sina Jerry Lopez at Tots Mariscal IV ang mga direktor ng Huwag Ka Lang Mawawala. Ang dalawa ang naging kakampi ni Sam sa presscon para sa aktor at kay KC Concepcion noong Martes.
Ipinagtanggol nina Jerry at Tots si Sam laban sa mga akusasyon na hindi makaarte ang aktor kaya nahirapan sa kanya ang mga direktor at co-stars niya.
Itinanggi ng mga direktor ang mga bintang kay Sam, pati na ang tsismis na replacement lamang ni Jericho Rosales ang Fil-Am actor.Ipinakita naman ni Sam na ginagawa nito ang lahat para mapagbuti ang pag-arte dahil ayaw niya na mapahiya sa mga katrabaho niya sa Huwag Ka Lang Mawawala.
Iniwasan ni Sam na magsalita ng Ingles sa ginanap na presscon para patunayan sa entertainment press na malaki na ang improvement niya sa pagsasalita ng Tagalog, sa tulong ng kanyang private tutor.
Nabasa at napanood ni Sam ang mga papuri sa kanya ni Judy Ann kaya nagpapasalamat siya sa Reyna ng Pinoy Soap Opera.
Nakaramdam si Sam ng hiya kay Judy Ann nang kunan ang mga eksena ng pananakit niya sa aktres.
“First time ko na nambugbog ng babae. Nahihiya ako kay Judy Ann. Mahirap idaya ang eksena.
Nakokonsyensya ako. Sobrang bait siya sa akin,” ang pahayag ni Sam sa kanyang pilit na pagsasalita sa wikang Pilipino.
No comments:
Post a Comment