Nag-super bonding ang buong pamilya ni Judy Ann Santos

http://www.headlinegl.com/nag-super-bonding-ang-buong-pamilya-ni-judy-ann-santos/

Bahagi ng lumang kontrata ni Judy Ann Santos ang bagong teleserye na Huwag Ka Lang Mawawala. Kaya naman aniya, walang nagbago sa talent fee kahit na nga ilang taon din siyang nabakante sa paggawa ng soap.

“Sobra akong nag-enjoy sa lahat ng nakatrabaho at pinagdaanan ko sa ABS. Marami akong nakasama. Marami akong natutunan and it really made me a better person, a better actor at that.

“Kasi marami akong napagkumparahan na nakasama ko. Na-realize ko kung ano ’yung dapat na hindi ko ginagawa sa mga kasama ko dahil ayoko ring ginagawa sa akin.

“Lahat ’yan, natahi dahil napakakulay at napakabusog ng mga trabahong binibigay sa akin. Wala talaga akong masasabi,” pahayag ni Juday.

Kumusta naman ang nakaraan niyang birthday vacation?

“Masaya! Napakasaya. Relax lang kasi umalis kami…First time ni Lucho na mag-travel nang matagal na oras. Sobrang bonding lang kasi wala kaming kasama…Si Nonong lang ang kasama namin at saka si Ana (Dasig).

“Other than that, hindi talaga kami nagsama ng ibang mag-aalaga sa mga bata. Kasi ’yun ang moment namin bilang pamilya. Relax lang. Walang masyadong shopping. Medyo-medyo lang, hahaha! Isang credit card lang!

“Enjoy lang talaga. ’Yung trip na ’yon, para sa mga bata at mag-bonding talaga kami bilang apat lang kami. So, trinabaho naming ma-enjoy namin ang kids ng kami lang,” kuwento pa ng Teleserye Queen.