Eat Bulaga! Judy Ann’s first interview after giving birth to baby Lucho

Bagaman masakit pa ang tahe, sinabi ni Judy Ann Santos na nakakalakad na siya matapos niyang isilang (normal delivery) ang baby nila Ryan Agoncillo na si Juan Luis “Lucho" Santos Agoncillo, nitong Huwebes.

Sa phone interview ng noontime show Eat Bulaga nitong Sabado, sinabi Judy Ann na nakagagalaw at nakakalakad na siya. Nakatulong umano ang madalas niyang paglalakad noong ipinagbubuntis pa si Lucho kaya naging madali ang kanyang panganganak.

Hindi pa naman masabi ng aktres kung sino talaga ang kamukha ng baby dahil nagbabago pa ang itsura nito. Gayunman, nakikita ni Judy Ann na nakuha ni Lucho ang kanyang labi, habang kay Ryan ang mukha.

Nagawa naman ni Ryan na magbiro nang sabihin nito na, guwapong-guwapo ang kanyang baby at kamukha ng hardinero. (Read: Baby ‘Lucho’ looks like his daddy Ryan – Juday's mom)

Matatandaan na sa Eat Bulaga rin unang inanunsiyo ni Ryan na “gumagana si ‘manoy’ nang ipaalam niya na buntis si Judy Ann.

Ikinuwento rin ni Ryan nitong Sabado sa EB kung gaano kabilis ang panganganak ni Juday na nakuha lang umano sa limang pag-iri. Si baby Lucho ay tumitimbang ng 6.9 pounds at iniluwal ng aktres dakong 5:51 p.m. noong Huwebes sa Asian Hospital and Medical Center sa Alabang, Muntinlupa.

Nagpasalamat din si Judy Ann sa mga dabarkads na nagdasal para sa kanya at sa patuloy na suporta kay Ryan at sa kanyang pamilya.

Ipinangako rin niya na makikita rin sa Eat Bulaga ang kanilang baby ni Ryan. - FRJImenez, GMANews.TV




http://gmaseven.blogspot.com/2010/10/eat-bulaga-judy-anns-first-interview.html