Juday, tahimik sa pagbubuntis

Juday, tahimik sa pagbubuntis

Abu Tilamzik
NAGPAUNLAK si Judy Ann Santos ng maikling interview kay Butch Francisco sa Gawad Parangal sa veteran stars nu’ng Biyernes sa La Consolacion College pero wala pa rin itong tiyak na sagot tungkol sa isyung pagbubuntis.
“I am so happy na marami ang nag-aabang, maraming nagti-text, maraming masaya for us pero gaya ng sabi ko, sasa bihin naman namin.
“Hindi kami kaila ngang mag-pressure sa mga sagot. We will tell the news if it’s really true and we will tell if it’s not, but for now, we’re just wai ting for the right answer.
“Kasi ngayon, wala kaming maisagot, eh. So hintay, naghihintay lang din kami,” sabi ni Juday.
Wala pa raw check-up.
“It will happen last week of March. Malalaman namin kung ano nga ba. So, ngayon, wala pa naman,” patuloy ng aktres.
“Wala pa naman kaming one year na kasal, eh. I guess, tama lang ‘yung timing saka-sakaling mabuo.
“Ibig sabihin, binigyan kami ng tamang oras ng Diyos na ma-enjoy namin ‘yung moment namin as new parents,” dagdag na pahayag ni Juday.
Ang pagkakaalam namin, bago matapos ang buwang ito ay magbibigay na ng announcement ang mag-asawang Ryan Agoncillo at Judy Ann.
Sinadya namin si Ryan sa Eat Bulaga nu’ng Sabado at tumanggi muna itong magsalita.
“Wala pa naman, eh. Kapag sure na talaga, sa sabihin ko naman sa inyo,” sagot ni Ryan.
Naramdaman naming alam na ng ilang kasamahan ni Ryan sa Eat Bu laga, pero tahimik silang lahat at hinihintay na lang nilang manggagaling na mismo sa mag-asawa ang announcement.
Siyanga pala, doon sa Gawad Parangal para sa mga beteranong artista na dinaluhan ni Juday, naikuwento ni Butch na hindi raw ito natapos ng aktres dahil kailangan daw nitong umalis para umuwi.
Nakatanggap daw ito ng tawag na isinugod sa hospital si Yohan pero wala kaming alam kung napaano ang bata.
Tinanong namin ito kay Ryan, okay naman daw si Yohan. Hindi na niya ikinuwento sa amin kung ano ang nangyari.