Juday, ‘di kayang talunin ng ‘My Husband’s Lover’

http://www.balita.net.ph/2013/07/21/juday-di-kayang-talunin-ng-my-husbands-lover/

Ni Reggee Bonoan

KALIWA’T kanan ang pahayag ng GMA-7 na nangunguna na sa primetime ang programa nilang My Husband’s Lover na pinagbibidahan nina Dennis Trillo, Tom Rodriguez at Carla Abellana at ipinost din nila ito sa social media.

Pero base sa research ng aming source ay kasinungalingan lang daw ang pag-iingay sa Twitter na panalo na sa ratings ang My Husband’s Lover kontra sa Huwag Ka Lang Mawawala na pinagbibidahan ni Judy Ann Santos.

Sa survey ng Kantar Media, hindi lang sa Mega Manila kundi sa buong Pilipinas ay never pa palang nanalo sa ratings ang MHL mula nang umere ito.

Una na itong inilampaso ng Apoy Sa Dagat nina Angelica Panganiban, Piolo Pascual at Diether Ocampo, at patuloy na tinatalo ng Huwag Ka Lang Mawawala.

At sa latest ratings (hindi sa Twitter trending kinuha ang data) noong Miyerkules (Hulyo 17), panalo pa rin ang serye ni Juday sa national TV ratings na 21.9%, o mas mataas ng limang puntos sa nakuhang 16.5% ng My Husband Lover.