Sam napi-pressure kay Juday

Sobrang saya ni Sam Milby dahil makakatambal niya si Judy Ann Santos sa teleseryeng Against All Odds. Napabalitang hindi kaagad pinayagan si Juday ng kanyang manager na si Alfie Lorenzo para sa nasabing proyekto.

“Sobrang blessed ako, for someone of that stature, established, ang galing talaga and for her to want to to do a project with me, grabe talaga! I can’t explain how blessed I am, and I want to thank her for everything, and how excited I am to do this project,” pahayag ni Sam.

Ayon sa aktor, gusto niya talagang makatrabaho si Juday dahil magaling ang aktres at magaan pa itong kaeksena.

“We already shot the trailer and I think si Judy Ann kahit sino ang ka-partner niya, it doesn’t matter, magsa-shine ang ka-partner niya. She’s good, so easy to work with. Nagulat ako when we were shooting the trailer. Siyempre first time, she’s so easy to work with talaga and she’s so magaling talaga.

“Even the teaser pa lang, grabe, nag-treat siya sa lahat ng staff and actors ng pizza. Magaan talaga ang trabaho at sa pakiramdam,” kuwento ni Sam.

Samantala, aminado naman ang binata na nakakaramdam din siya ng pressure para sa bagong serye na kanyang gagawin.

“There’s always pressure in any project, hindi mo alam kung anong mangyayari. Kahit confident ka na, magaling ang palabas. You just never know ang reaction ng tao, lalo na sa movie, kasi sa movie people are paying to watch. With teleserye, it’s the same thing. It’s still pressure but for me it’s less pressure for the fact na alam ko kasama ko ’yung sobrang mahusay, na magaling na aktres,” giit pa ng binata. Reports from JAMES C. CANTOS


http://www.philstar.com/Article.aspx?articleId=823858&publicationSubCategoryId=96