JOHN LLOYD CRUZ AT SARAH GERONIMO, ‘DI KAILANGANG MAY RELASYON PARA PUMATOK ANG LOVETEAM

JOHN LLOYD CRUZ AT SARAH GERONIMO, ‘DI KAILANGANG MAY RELASYON PARA PUMATOK ANG LOVETEAM 

July 30, 2010
Visited 897 times, 676 so far today
under Showbiz
Post Tags: Boy Abunda, john lloyd cruz, sarah geronimo

MUKHANG MATAGAL-TAGAL ANG ipaghihintay ng mga fans nina Sarah Geronimo at John Lloyd Cruz na gumawa ang kanilang idols ng bagong pelikula. According to an article on abs-cbnNEWS.com, Lloydie is said to be wary about doing another movie with Sarah dahil baka hindi ito kagatin ng mga fans lalo pa’t alam ng lahat na may bagong girlfriend na siya. Sa isang interview ng SNN: Showbiz News Ngayon, sinabi niyang, “Without the fans, wala rin naman kami. Pero malaking part din naman ng naging success ng mga projects ko is material-driven. Talaga namang maganda iyong pagkakagawa ng istorya.”

Nakapanghihinayang naman kung magkakaganoon because Sarah and Lloydie are certified huge crowd-drawers. The public adores their tandem kaya naman naging blockbuster ang kanilang dalawang pelikulang A Very Special Love at You Changed My Life. They were crowned Box-Office King and Queen by the Guillermo Mendoza Memorial Scholarship Foundation – isang pagpapatunay na malakas talaga ang hatak sa mga manonood nina Lloydie at Sarah.

But on a lighter note, Lloydie smiled when told that Sarah mentioned that their last two projects together were memorable for her. He said, “Kung tutuusin, iyon ang mga hindi ko makakalimutan sa career ko. Malalim, malaki, at napaka-special ng ibig sabihin (ng mga movies sa akin) so I’m really happy na meron siyang nasabing ganoon.”

Sa aking palagay ay hindi naman kailangan na ang magka-loveteam ay magkaroon ng relasyon sa totoong buhay para maging patok sa mga fans. May mga taong nakakikilig panoorin na magkasama onscreen because they look good together and they have great chemistry. Naaalala ko pa na noong panahon namin – parang walang impiyerno – lahat langit – basta magkasama lang sina Guy at Pip. Sa kaso ni Lloydie, he has been paired with Bea Alonzo at kahit hindi sila nagkaroon ng relasyon ay naging patok ang kanilang loveteam.

Sa ngayon, busy sa kani-kaniyang career sina Sarah at Lloydie. Sarah has a new movie titled Hating Kapatid with Judy Ann Santos samantalang Lloydie is paired for the first time with Angel Locsin in the upcoming ABS-CBN primetime teleserye titled Imortal.

I’m happy na masaya si Lloydie sa piling ni Shaina Magdayao. And in my opinion, Sarah can take her time tutal bata pa siya and she has all the time to enjoy and love life. I agree with Juday when she said on The Buzz na darating ang tamang lalaki na nakalaan para kay Sarah basta’t maghintay lang siya.

Kaibigan, usap tayo muli!

Points of Boy
by Boy Abunda