SPEECHLESS si Sam Milby nang purihin siya ni Judy Ann Santos sa pagsasama nila sa paggawa ng seryeng Huwag Ka Lang Mawawala.
Nakikita raw ni Juday na malaki na ang pagbabago ng aktor.
Matatandaang sinabi ni Sam na intimidated siya kay Juday kapag magkaeksena sila, kaya tinanong ang aktres kung ano ang ginagawa niya para mawala ang nerbiyos o kaba ng aktor.
“Wala, dinededma ko lang siya,” natawang sagot ni Judy Ann. “Hindi, kasi magkakaibigan naman kami, even before na nag-start kami ng taping, nagkikita kami paminsan-minsan sa isang lugar, ganyan, tsikahan.
“Siguro, naninibago lang siya sa karakter niya dito sa soap dahil first time ni Sam na magiging kontrabida.
“Ang sabi niya sa akin, nabubulol siya kapag nandiyan ako. Sabi ko, ‘Ay hindi, Sam, sadyang bulol ka lang. Huwag mo akong sisihin, huwag kang nandadamay’.
“Hindi, pero in fairness naman kay Sam, sobrang makikita mo sa kanya ‘yung effort niya talaga na mag-Tagalog. At saka sa lahat yata ng trabaho ni Sam dito sa ABS-CBN, ito na yata ang pinakamasasabi kong pinakatalagang trinabaho niya at in-effort-an niya nang bongga kasi talagang ang husay ng trabaho ni Sam dito,” papuri ni Budaday kay Samuel.
Kilalang iyakin si Juday sa lahat ng seryeng nagawa na niya, kaya pinaka-challenging sa kanya ang Huwag Ka Lang Mawawala dahil pigil ang mga pag-iyak niya.
“At saka kailangan ko talagang baguhin ang karakter ko dito para ibang-iba sa mga napanood na ng mga tao. I guess the character is not hard but studying for that part is the hardest thing for me dahil ang tagal kong nawala, ‘tapos no’ng first taping day namin, kinakabahan ako, nahirapan ako sa mga breakdown scenes.
“’Pag masyado ka kasing masaya, parang ang hirap humugot, lahat na yata, pinatay ko na sa isip ko, hindi pa rin ako maiyak. Ang hirap. Normally, hindi ako inaabot ng 15 minutes to motivate.
“Pero no’ng time na ‘yun na nag-motivate ako sa breakdown scene, inabot ako ng 15-20 minutes kasi hindi ko alam kung paano ko siya huhugutin. Siguro, ‘yun ‘yung pinakamahirap,” pagtatapat ng aktres.
Samantala, nag-celebrate sina Juday at Ryan Agoncillo ng kanilang ikaapat na taong anibersaryo.
“Nag-breakfast lang kami sa Tagaytay, ‘tapos nag-mass kami together kay Fr. (Tito) Caluag, nagpa-bless lang kaming dalawa, ‘tapos umuwi na kami kasi nandu’n sina Mommy (Carol) sa bahay, mga anak namin, hinihintay din kami.
“Nag-dinner lang nu’ng gabi. Simple lang. Wala namang masyadong ganap,” say ni Mrs. Agoncillo.
Ilang beses na silang natsitsismis na naghiwalay na, pero heto at patuloy pa ring mainit ang kanilang pagsasama.
“I guess it’s important na sa couple, nandu’n pa rin ‘yung friendship ninyo, kung paano kayo nagsimula as couple and at the same time, may pag-a-adjust na nangyayari sa isa’t isa. Kung ano ‘yung gusto ng isa’t isa, kung ano ‘yung type ng isa’t isa, maga-adjust kayo.
“At saka, importante na may pinagtatawanan kayo. Very open kayo sa isa’t isa.
“For some couples kasi, nagwo-work ‘yung mag-usap na tayo ngayon, ngayon na mismo, dapat tapusin natin ‘to. Pero sa amin ni Rye, kung minsan, mas nagwo-work ‘yung huwag muna kaming mag-usap, mga isa o dalawang araw, minsan umaabot kami ng tatlo o apat na araw.
“Para ‘pag nag-usap kami, ‘yung kalmado na kami, ‘yung wala kaming nasasabing hindi maganda sa isa’t isa.
“Mas payapa ‘yung talk kasi mas nagkakaintindihan kayo. Unlike ‘pag parehong mainit ulo namin, walang natatapos, nagkakasakitan lang kami ng mga salita.
“Basta sa amin, mas nagwo-work ‘yung ‘kalma muna tayo, ‘Tsong, dito ka, dito ako’. Pero ‘pagka may mga issues kami, we make it a point na hangga’t maaari, natutulog kami sa isang kuwarto, sa isang kama. ‘Yun ‘yung talagang napagkasunduan namin,” rebelasyon ni Juday.
Ang higit na nagpapatibay sa pagsasama nilang dalawa ay ang, “Trust and loyalty ni Ryan, 150% ‘yan. Hindi talaga ‘yan (nambabae) kahit kelan, malalaman mo (kasi) napaka-honest na tao ni Ryan, ‘yung tipo na hindi magtatago sa ‘yo. Kung ano ang ayaw niya sa ‘yo, sasabihin niya sa ‘yo, ganu’n siya ka-honest na tao,” pagtatapat ng magandang maybahay ni Ryan.
Susme, kung mambabae pa si Ryan, ewan ko na lang, halos na’ kay Budaday na ang lahat. Magaling magluto, marunong sa bahay, masinop, magaling mag-alaga sa mga anak, matinong babae, sexy, at higit sa lahat, walang bisyo dahil hindi mahilig sa gimikan at hindi na rin siya magastos.
Judy Ann Santos stressed that there’s no truth to the circulating rumors that she and husband Ryan Agoncillo have secretly sought an annulment. Speculations about their separation have made headlines for several weeks now, claiming that there’s a third party involved on Ryan’s part. “Mayroon bang secret na annulment? ‘Di ba wala? Sa napakadaming tsismoso dito sa Pilipinas, ma-i-si-secret mo ba ang annulment,” said Judy Ann who merely laughed off the whole controversy during her promo shoot for the teleserye Huwag Ka Lang Mawawala earlier today, May 22. 
