Cooking show ni Juday, wagi sa rating ng Kantar

Muling sasabak sa kumpetisyon sa mga dara­ting na linggo ang natanggal na kiddie cooks ng Junior MasterChef Pinoy Edition, upang ituloy ang naudlot na pangarap na maging kauna-unahang Pinoy Junior MasterChef. Nagsimula na kagabi na masilayan sina Athena, Bea, Bianca, Emman, Gino, Lain, Judel, Louise, Nadine, at Tricia sa kusina ng show upang subukang masungkit ang kaisa-isang puwesto para muling lumaban sa bakbakan sa kusina. Para sa una nilang wildcard round, kailangang mag-imbento ng ex-kiddie cooks ng putaheng gawa sa kiat-kiat, talong, dalagang bukid, dahon ng sili, kamote, lomi noodles, at blue chocolate. Nagsilbi ring hurado ang top 7 kiddie cooks na sina Acee, Caitlin, Jobim, Kyle, Mika, Miko, at Philip kasama sina Chef Ferns, Chef Lau, Chef J­ayps, at si Juday. Samantala, nananatili pa ring patok sa parehong mga bata at matatanda ang Junior MasterChef Pinoy Edition dahil ayon sa data ng Kantar Media noong Enero 14, nakakuha ito ng 23.1% na average TV ra­ting at tinaob ang katapat na show na nagkamit lang ng 10.1%. Huwag palampasin ang Junior MasterChef Pinoy Edition bukas pagkatapos ng Goin’ Bulilit sa ABS-CBN.

source here